Category Archives: საინტერესოა

საქართველოს კანონმდებლობის მიხედვით, მცირე ბიზნესის სტატუსი ენიჭება ინდივიდუალურ მეწარმეს, თუ მისი ეკონომიკური საქმიანობიდან მიღებული ჯამური შემოსავალი კალენდარული წლის განმავლობაში (1 იანვრიდან 31 დეკემბრამდე) 500 000 ლარს არ აჭარბებს.

განსაზღვრულია იმ საქმიანობის ჩამონათვალი, რომელსაც შეიძლება მიენიჭოს მცირე ბიზნესის სტატუსი. მეწარმე ფიზიკურ პირს მცირე ბიზნესის სტატუსი არ მიენიჭება, თუ იგი ახორციელებს მცირე ბიზნესისათვის აკრძალულ საქმიანობას. ასეთია საქმიანობები, რომლებიც რომლებიც საჭიროებენ ლიცენზირებას ან ნე­ბართვას, გარდა საქართველოს დედაქალაქში მსუბუქი ავტომობილით − ტაქსით (M1 კატეგორია) გადაყვანის საქმიანობისა;

•  საქმიანობები, რომელთა განხორციელება მოითხოვს მნი­შვ­ნე­ლოვან ინვესტიციას (აქციზური საქონლის წარმოება);
• სავალუტო ოპერაციების განხორციელება;
• სამედიცინო, არქიტექტურული, საადვოკატო ან სანოტარო, სააუდიტო, საკონსულტაციო (მათ შორის, საგადასახადო კონსულ­ტანტთა) საქმიანობა;
• სათამაშო ბიზნესი;
• პერსონალით უზრუნველყოფა;
• აქციზური საქონლის წარმოება.

რატომ ინტერესდებიან მეწარმეები მცირე ბიზნესის სტატუსით?

მიზეზი მარტივია, მცირე ბიზნესის სტატუსი ითვალისწინებს საგადასახადო შეღავათებს, ამიტომ გასაკვირი არ არის რომ მსურველი ბევრია, მთავარია, აკმაყოფილებდეთ მოთხოვნებს და ოფიციალური გადასახადის (20 ლარი) და განაცხადის საფუძველზე შეძლებთ სტატუსის მოპოვებას.

რა საგადასახადო შეღავათებთანაა დაკავშირებული მცირე ბიზნესის სტატუსი?

მცირე ბიზნესის სტატუსის მქონე პირი სტანდარტული 20% საშემოსავლო გადასახადის ნაცვლად იხდის მხოლოდ 1%-ს. თუ ეკონომიკური საქმიანობიდან მიღებულმა დასაბეგრმა შემოსავალმა კალენდარული წლის განმავლობაში 500 000 ლარს გადააჭარბა (გადაჭარბების თვის დასაწყისიდან იმავე კალენდარული წლის ბოლომდე), მცირე ბიზნესის სტატუსის მქონე პირი იბეგრება 3 პროცენტით. თუ ამ შემოსავალმა ზედიზედ 2 კალენდარული წლის განმავლობაში გადააჭარბა 500,000 ლარს, ინდმეწარმე დაკარგავს „მცირე ბიზნესი“-ს სტატუსს.

თუ გარკვეულ წლებში, მაგრამ არა ზედიზედ, პირის შემოსავალმა გადააჭარბა 500,000 ლარს, მაშინ იგი დაიბეგრება 3%-ით ნაცვლად 1%-სა. კერძოდ, პირი 3%-ით დაიბეგრება გადაჭარბების თვიდან დაწყებული კალენდარული წლის ბოლომდე.

გარდა ამისა, მცირე მეწარმის სტატუსის მქონეთათვის ნებაყოფლობითია საპენსიო სქემაში გაწევრიანება, რაც იმას ნიშნავს რომ მას არ მოუწევს 2+2% საპენსიო ანარიცხების გადახდა.

აღსანიშნავია, რომ იმ მნიშვნელოვანი უპირატესობის გარდა, რაც ზემოთ განხილულ საგადასახადო შეღავათებთანაა დაკავშირებული, მცირე ბიზნესის სტატუსს შპს-სთან (შეზღუდული პასუხისმგებლობის საზოგადოებასთან) შედარებით გააჩნია გარკვეული უარყოფითი მხარეებიც. კერძოდ, მცირე ბიზნესის სტატუსის მქონე პირი პირადად აგებს პასუხს ბიზნესის ვალდებულებებზე. მაგალითად, თუ ბიზნესს აქვს მომწოდებლის მიმართ (ან ბანკის მიმართ) ვალი, მაგალითად, 200,000 ლარი და ვერ ახერხებს მის გადახდას, კრედიტორს უფლება აქვს ვალის დაბრუნება მოსთხოვოს პირადად, მეწარმე ფიზიკურ პირს.  შპს-ს შემთხვევაში ვალის მოთხოვნა შესაძლებელია მხოლოდ კომპანიის აქტივებიდან და არა მფლობელის პირადი ქონებიდან.

გარდა ამისა,  შემოსავლებისა და ხარჯების აღრიცხვის პრინციპები განსხვავდება დღგ-ის გადამხდელი და არგადამხდელი მცირე ბიზნესის სტატუსის მქონე მეწარმისთვის. 

კერძოდ, დღგ-ის არგადამხდელი მცირე ბიზნესის სტატუსის მქონე მეწარმე ფიზიკური პირის დაბეგვრის ობიექტია დასაბეგრი ბრუნვა, რომელიც დოკუმენტურად აღირიცხება საკონტროლო-სალარო აპარატის ქვითრებით, ეს მისი შემოსავლების აღრიცხვის ერთადერთი სავალდებულო ფორმაა.

სასაქონლო-მატერიალური ფასეულობების ნაშთის აღრიცხვის ვალდებულება კი წარმოექმნება მხოლოდ დღგ-ის გადამხდელად რეგისტრაციის ვალდებულების დადგომისას.

აღნიშნულზე დაყრდნობით, შეგვიძლია დავასკვნათ, რომ დღგ-ის არგადამხდელ მცირე მეწარმესთან ინვენტარიზაცია უნდა განხორციელდეს შესაძლო აღურიცხველი სასაქონლო-მატერიალური ფასეულობების (მარაგების) და არა მათი დანაკლისის გამოვლენის მიზნით. 

რაც შეეხება დღგ-ის გადამხდელად რეგისტრაციის ვალდებულების დადგომისას ამ მომენტისთვის არსებული სასაქონლო-მატერიალური მარაგების ნაშთის აღწერის ვალდებულების შესახებ ჩანაწერს, ამით კანონმდებლობა მიგვითითებს, რომ ასეთ შემთხვევაში მცირე მეწარმის დაბეგვრის ობიექტის განსაზღვრისთვის სავალდებულოა ნაშთების აღრიცხვის სისწორე, რაც თავის მხრივ – შეძენისა და რეალიზაციისას პროდუქციის თვითღირებულებების სწორად განსაზღვრასაც მოიცავს. 

რა შემთხვევაში იკარგება მცირე ბიზნესის სტატუსი?

როგორც ზემოთ აღინიშნა,  სტატუსი იკარგება მაშინ თუ პირის შემოსავალი მიყოლებით 2 წლის განმავლობაში თითოეულ წელს აღემატება 500,000 ლარს.

გარდა ამისა სტატუსი იკარგება თუ პირი წლის განმავლობაში 3-ჯერ დაჯარიმდა სალარო აპარატის გამოყენების წესების დარღვევისათვის. ან თუ იგი ახორციელებდა ე.წ. „აკრძალული საქმიანობებიდან“ ერთ-ერთს.

თუ სტარტაპერი ხარ, წამოიწყე ბიზნესი და თანდათან ერკვევი ფინანსურ სააღრიცხვო სისტემებში ხშირად მოგიწევთ შეხება ისეთ ტერმინებთან როგორიცაა: ფასნამატი, მარჟა და საშუალო ქვითარი. რას ნიშნავს თითოეული მათგანი, რა ინფორმაციის მატარებელია და როგორ უნდა გამოითვალოთ ამას მითითებულ ბლოგში შეიტყობთ.

ფასნამატი

ფასნამატი ეს არის სხვაობა პროდუქტის შესყიდულ ღირებულებასა და მის გასაყიდ ფასს შორის და გამოიხატება პროცენტულად. მარჟა და ფასნამატი ურთიერთკავშირშია და ორივე მნიშვნელოვანია კომპანიის მომგებიანობის განსასაზღვრად.

ფასნამატი ხშირად ეშლებათ მოგების მარჟაში, არადა ისინი სრულიად სხვადასხვაა. ფასნამატი მხოლოდ გასაყიდ და შესასყიდ ფასებს შორის სხვაობაა და მოგება რომ დავთვალოთ, მას უნდა გამოაკლდეს კომპანიის სხვა ხარჯები, მაგალითად, ადმინისტრაციული, იჯარის, მარკეტინგის, საპროცენტო, გადასახადები და ა.შ. ანუ, თუ მაღაზიამ ერთი ტონა კომბოსტო 2,000 ლარად იყიდა და 3,000 ლარად გაყიდა, 1,000 ლარი იქნება ფასნამატი, მაგრამ არა მოგება, რადგან აღნიშნულ 1,000 ლარს უნდა გამოაკლდეს მაღაზიის სხვა ხარჯები (ხელფასები, კომუნალურები და ა.შ.).

როგორ გამოითვლება ფასნამატი და რა ფაქტორები ახდენს მასზე გავლენას?

ფასნამატი პროცენტულად შემდეგნაირად გამოითვლება:

(პროდუქტის სარეალიზაციო ღირებულებას – პროდუქტის თვითღირებულება)/ თვითღირებულებაზე * 100

ფასწარმოქმნის პროცესზე გავლენას ახდენს შემდეგი ფაქტორები:

• პროდუქტთან დაკავშირებული პირდაპირი ხარჯი
•  ზედნადები ხარჯები ერთეულზე გაანგარიშებით
•  საგადასახადო ხარჯები
•  მისაღები მოგება

თუმცა, არსებული ჩამონათვალის გარდა მნიშვნელოვანია:

• კონკურენტებისა და ბაზარზე არსებული ფასების ანალიზი
•  ბაზარზე არსებული კომპანიების საწარმოო ხარჯების ანალიზი და წარმოების გაიაფების შესაძლებლობები
•  სრული სადისტრიბუციო ხარჯი (ხარჯი პროდუქციის რეალიზებამდე)

კომპანიის ხელმძღვანელობა უნდა ცდილობდეს ისეთი ფასი დაადოს პროდუქტს, რომელიც დაფარავს მის წარმოებასთან, განაწილებასა და გაყიდვასთან დაკავშირებულ ხარჯებს და მაქსიმალურ მოგებას მოუტანს კომპანიას.

მარჟა

მოგების მარჟა არის კომპანიის მომგებიანობის მაჩვენებელი კოეფიციენტი. ის გამოითვლება კომპანიის შემოსავალში მოგების წილის გაანგარიშებით. მაგალითად, თუ კომპანიის შემოსავალი 5,000 ლარია და აქედან მოგება 1,000 ლარია, მოგების მარჟა იქნება 20%, რადგან 1,000 ლარი 5,000 ლარის 20%-ია.

მოგების მარჟა მნიშვნელოვანი მაჩვენებელია კომპანიის ეფექტიანობის შესაფასებლად და მას დიდ ყურადღებას აქცევენ.

შესაძლებელია გამოთვალოთ ბიზნესის საერთო მარჟა ან მარჟა ცალკეული პროდუქტებისთვის. ეს უკანასკნელი ეხმარება ბიზნესს მოახდინოს ყველაზე შემოსავლიანი ან ნაკლებ შემოსავლიანი საქონლის/მომსახურების იდენტიფიცირება, რაც  ბიზნესის მენეჯერს აძლევს საშუალებას, იცოდეს ყველაზე მეტად რომელ პროდუქტს მოაქვს მისთვის მოგება და რომელია ნაკლებ მომგებიანი.

როგორ გამოითვლება მარჟა?

ფინანსურ აღრიცხვაში არსებობს მარჟის სამგვარი გაანგარიშება:

• მთლიანი მოგების მარჟა
• საოპერაციო მოგების მარჟა
• წმინდა მოგების მარჟა

მთლიანი მოგების მარჟა გამოითვლება შემდეგნაირად:
(წმინდა გაყიდვები – გაყიდული საქონლის ღირებულება) / წმინდა გაყიდვები

პროდუქტის მთლიანი მარჟის ან კომპანიის მთლიანი მარჟის ცოდნა ეხმარება ბიზნესის მფლობელს ან მენეჯერს განსაზღვროს, თუ რამდენი შემოსავალი ინახება მთლიანი მოგების სახით.

საოპერაციო მოგების მარჟა = საოპერაციო მოგება გაყოფილი წმინდა გაყიდვებზე.

მთლიანი მოგების მარჟისგან განსხვავებით, საოპერაციო მოგების მარჟა ასევე ითვალისწინებს საოპერაციო ხარჯებს, რომლებიც დაკავშირებულია კომპანიის ადმინისტრაციულ და გაყიდვების ფუნქციებთან, პლუს წარმოების ხარჯებთან.

წმინდა მოგების მარჟა = წმინდა მოგება გაყოფილი წმინდა გაყიდვებზე.

იმის გამო, რომ ეს მარჟა მოიცავს ორგანიზაციის ყველა შემოსავალსა და ხარჯს, ის, როგორც წესი, ყველაზე აქტუალურია და ორგანიზაციები იყენებენ მას როგორც კომპანიის, ასევე პროდუქტის მომგებიანობისა და მენეჯმენტის მუშაობის შესაფასებლად.

საშუალო ქვითარი

საშუალო ქვითარი – ეს არის შემოსავლის ოდენობა გაყოფილი ქვითრების რაოდენობაზე გარკვეული პერიოდის განმავლობაში.

იმისათვის რომ შეიმუშაოთ თქვენი მაღაზიის/ბიზნესის მართვის სწორი სტრატეგია, აუცილებლად უნდა  გქონდეთ ინფორმაცია საშუალო ქვითარზე. ბიზნესის, საცალო ვაჭრობის ან მაღაზიის მფლობელმა უნდა იცოდეს საშუალო ქვითრის ოდენობა იმისთვის, რომ გადადგას ქმედითი ნაბიჯები გაყიდვების გასაზრდელად. ის ნათლად აჩვენებს ბრუნვას გარკვეული პერიოდის განმავლობაში (თვე, კვარტალი ან წელი).

როგორ გამოითვლება საშუალო ქვითარი?

თვის, კვარტლის, ან წლის ჭრილში, თუ მომხმარებლის ყველა შესყიდვის ჯამს გაყოფთ ქვითრების საერთო რაოდენობაზე, მიიღებთ საშუალო ქვითარს, რაც სხვაგვარად რომ ვთქვათ, არის მაღაზიაში თითოეული შესყიდვის თანხის საშუალო ღირებულება.

მაგალითად, თუ თქვენ ყიდით ფეხსაცმელს და გაქვთ 150 ლარის ღირებულების ჩინური ფეხსაცმელი და ასევე ბრენდული,  3000-4000 ლარის ღირებულების იტალიური ფეხსაცმელი. კარგი ბრუნვის შემთხვევაში, მომხმარებელი შეიძენს ყველანაირ ფეხსაცმელს, როგორც ჩინურს, ასევე იტალიურს.

საშუალო ჩეკი, ამ შემთხვევაში, ტოლი იქნება ყველა ჩეკის ჯამისა, რომელიც უნდა გაიყოს მათ რიცხვზე.

მაგალითისთვის, წარმოვიდგინოთ, რომ

120 წყვილი გაიყიდა 150 ლარად,

7 წყვილი – 3000 ლარად და

1 წყვილი – 4000 ლარად

როგორ ვთვლით საშუალო ქვითარს?

120 * 150+7 * 3,000 + 1 * 4,000 = 43,000 (ქვითრების ღირებულების ჯამი)

120 + 7 + 1 = 128 (ქვითრის რაოდენობა)

43,000 / 128 = 335,93 (საშუალო ქვითარი)

საჭირო მონაცემების მიღების შემდეგ შეგიძლიათ გააანალიზოთ გაყიდვები, გაეცნოთ სეზონურ რყევებს და სხვა სასარგებლო ინფორმაციას. ასევე შესაძლებელია ბიზნესის მომავალი ზრდისა და განვითარების პროგნოზირება.

ოპტიმო მარაგების მართვისა და გაყიდვების პროგრამაა, რომელიც ერთ სივრცეში უყრის თავს ბიზნესის შესახებ არსებულ ინფორმაციას, იქნება ეს მარაგები, გაყიდვები, შესყიდვები, რეპორტები, სტატისტიკები თუ სხვა.

ის ეხმარება ბიზნესის მენეჯერს, მუდმივად ეჭიროს ხელი მისი ბიზნესის მაჯისცემაზე და საქმის კურსში იყოს როგორც ფინანსურ თემებთან დაკავშირებულ საკითხებზე, როგორიცაა შესყიდვები, გაყიდვები, შემოსავლები, მომგებიანობა და.ა.შ, ასევე, იცოდეს და მართავდეს ობიექტზე მომხდარ ნებისმიერ მნიშვნელოვან მოვლენას, იქნება ეს პროდუქციის ნაშთები, მომწოდებელთან ანგარიშსწორება, იურიდიულ პირზე გაყიდვები, წარმოება თუ სხვა.

მაგრამ, რა ხდება მაშინ, თუ ბიზნესის მფლობელს ან მენეჯერს უწევს გამგზავრება, ვერ ახერხებს რამდენიმე დღე მისვლას ობიექტზე?

თუ სარგებლობთ პროგრამით ოპტიმო, ზემოთ ხსენებული პრობლემები დაბრკოლებას არ წარმოადგენს, რადგან  შეგიძლიათ ისევე მართოთ თქვენი ბიზნესი მობილურით ან ლეპტოპით მსოფლიოს ნებისმიერი წერტილიდან, როგორც ადგილზე ყოფნისას გააკეთებდით.

როგორ?

ოპტიმო cloud-ზე დაფუძნებული პროგრამაა, რაც ნიშნავს იმას, რომ ღრუბელზე ინახავს ყველა მნიშვნელოვან ინფორმაციას და გაძლევთ საშუალებას მართოთ ბიზნესი სახლიდან გაუსვლელადაც კი.

რას ნიშნავს cloud-ზე დაფუძნებული პროგრამა?

Cloud-ზე დაფუძნებული პროგრამული უზრუნველყოფა „ვებ-ზე დაფუძნებული პროგრამული უზრუნველყოფის“ სინონიმია. როდესაც პროდუქტი ღრუბელზეა განთავსებული, ეს ნიშნავს, რომ მონაცემები ინახება და ხელმისაწვდომია ინტერნეტში და არა თქვენს მოწყობილობაზე, რაც თავის მხრივ თავიდან აგარიდებთ მნიშვნელოვანი დოკუმენტების დაკარგვის საფრთხეს და არ დაამძიმებს თქვენს კომპიუტერულ ტექნიკას ფაილებით.

მაგრამ, თუ ინტერნეტის წვდომას შეექმნა პრობლემა, ფერხდება თუ არა მუშაობა? რა თქმა უნდა, არა. ამ შემთხვევაში იყენებთ ოფლაინ რეჟიმს, რათა განახორციელოთ უსაფრთხო ტრანზაქციები, რომლებიც დამუშავდება ავტომატურად, როდესაც განახლდება ინტერნეტთან წვდომა.

რა უპირატესობებით ხასიათდება ქლაუდზე დაფუძნებული პროგრამა?

მომსახურება დანახარჯების გარეშე

არჩევანის შეჩერება Cloud-ზე დაფუძნებულ პროგრამაზე კომპანიას თავიდან არიდებს  ტექნიკაზე (სერვერი, ქსელთან დაკავშირებული მოწყობილობები და სხვა) გაწეულ ძვირადღირებულ დანახარჯებს. Cloud მომსახურება ეს ერთგვარი იჯარაა, რაც გაძლევთ უფლებას თქვენთვის სასურველი დროით და პირობებით, ისარგებლოთ პროგრამული უზრუნველყოფით.

მოქნილობა და სიმარტივე

Cloud-ზე დაფუძნებული პროგრამით სარგებლობისას თქვენ სწრაფად, მარტივად და ეფექტურად შეგიძლიათ მოერგოთ თქვენს ბიზნეს საჭიროებებს. მაგალითად სწრაფად აწარმოოთ გადახდები საკრედიტო ბარათით, სმარტფონით ან პლანშეტის ბარათის წამკითხველის გამოყენებით, მიიღოთ შეკვეთები ტელეფონით. მოახდინოთ მარტივი აპლიკაციების ინტეგრაცია და მართოთ ბიზნესი პროგრამის საშუალებით, ინტეგრირდით და მართოთ ელ. კომერცია ფიზიკურ ობიექტთან ერთად ერთ სივრცეში.

გაყიდვების ანალიტიკა ნებისმიერი ადგილიდან

თქვენ შეგიძლიათ შეამოწმოთ გაყიდვების ანალიტიკა ნებისმიერი ადგილიდან ლეპტოპით ან  სმარტფონით. გადახდის როგორი მეთოდიც უნდა აირჩიოს მომხმარებელმა, გაყიდვების ყველა მონაცემი ერთ ადგილას იყრის თავს და ხელმისაწვდომი ხდება თქვენთვის, სადაც არ უნდა იყოთ. გარდა ამისა,  შეგიძლიათ მარტივად ჩამოტვირთოთ და გააანალიზოთ ჩანაწერები Microsoft Excel და Google Sheets-ის მეშვეობით.

მართეთ მარაგები დისტანციურად

აღრიცხოთ და მართოთ მარაგები შორიდანაც კი, რათა სწორად აწარმოოთ შესყიდვები და მუდმივად იცოდეთ რა მოცულობის ნაშთი გაქვთ საწყობსა და დახლებზე. Cloud-ზე არსებული სერვისები იდეალურია სწრაფად მზარდი ბიზნესებისთვის, რომლებსაც ცვალებადი საჭიროებები აქვთ.

 უსაფრთხოება

Cloud მომსახურებით სარგებლობის დროს თქვენი კომპანიის პროგრამული ლიცენზიები და ინფორმაციული ბაზა მაქსიმალურად არის დაცული. შეიძლება ითქვას, რომ არ არსებობს საფრთხე, რადგანაც მინიმუმამდეა დაყვანილი ინფორმაციის დაკარგვის რისკი. აღნიშნული ინფორმაცია ინახება Cloud სივრცეში და თქვენ საშუალება გაქვთ ნებისმიერ დროს, ნებისმიერი წერტილიდან, სადაც ინტერნეტია, დაუკავშირდეთ მას. სწორედ რისკებისადმი გამძლეობა და უსაფრთხოებაა ის მნიშვნელოვანი ფაქტორები, რაც აუცილებელს ხდის Cloud მომსახურებაზე გადასვლას.

ავტომატური განახლებების მიღება მუდმივ რეჟიმში

Cloud მომსახურება უზრუნველყოფს მონაცემების მარტივ გაცვლას და საშუალებას გაძლევთ მიიღოთ ავტომატური განახლებები. როდესაც კომპანია Сloud მომსახურებით სარგებლობს, სხვა ზემოთ ჩამოთვლილი უპირატესობის გარდა მას აქვს შესაძლებლობა ფეხი აუწყოს თანამედროვეობას და ისარგებლოს მისთვის შექმნილი სიახლეებით.

სისწრაფე და მოხერხებულობა

მთავარია, გქონდეთ ინტერნეტთან წვდომა და Cloud სერვისის მეშვეობით ოპტიმოს პროგრამასთან დაკავშირება ძალიან მარტივია. ნებისმიერი წერტილიდან უკავშირდებით თქვენს საინფორმაციო ბაზას და ამისათვის სულაც არ არის საჭირო დიდი დრო ან სხვადასხვა ტიპის რთული პროცედურის გავლა.

Cloud-ზე დაფუძნებული პროგრამით სარგებლობა ეს არის მეტი მოქნილობა თქვენი ბიზნესისათვის!

ოპტიმო  – გაყიდვებისა და მარაგების მართვის პროგრამაა კვების ობიექტებისა და სავაჭრო დაწესებულებებისთვის, რომელიც ერთ სივრცეში აერთიანებს ყველა იმ ინფორმაციას, რაც მნიშვნელოვან როლს თამაშობს ბიზნესის მართვის საკითხში.

მისი საშუალებით შეგიძლიათ, გააციფრულოთ ბიზნესი, აღრიცხოთ თქვენი პროდუქცია პროგრამაში, მსოფლიოს ნებისმიერი წერტილიდან აკონტროლოთ შესყიდვები, გაყიდვები, მიიღოთ ინფორმაცია  შემოსავლებისა და მომგებიანობის შესახებ.

ოპტიმოს პროგრამა, მის სივრცეში პროდუქციის ერთჯერადი შეყვანის შემდეგ, საოცარი სიზუსტით აღრიცხავს მარაგებს და იძლევა ინფორმაციას დახლებსა და საწყობში არსებული ნაშთების შესახებ. ეს კი ნიშნავს, რომ ნებისმიერ დროს გექნებათ ზუსტი მაჩვენებლები მარაგში არსებული პროდუქტების რაოდენობისა და სახეობების თაობაზე, რის მიხედვითაც შეძლებთ დაგეგმოთ შესყიდვები, განსაზღვროთ როგორი იქნება შემოსავლები, მომგებიანობა და.ა.შ.

თუ სარგებლობთ მაღაზიის პროგრამით ოპტიმო, ესე იგი არ გიწევთ საწყობში სირბილი, ნაშთების დათვლა და შეკვეთის ამის მიხედვით გაკეთება, რადგან ოპტიმო თვითონ გაწვდით ამომწურავ ინფორმაციას მარაგების შესახებ, გეხმარებათ სწორად განსაზღვროთ, რა რაოდენობით გჭირდება კონკრეტული პროდუქტი, რამდენი გაიყიდა და რამდენია დარჩენილი მარაგში.​

თუ გსურთ  თქვენს ობიექტზე დააყენოთ ოპტიმო და გაინტერესებთ, როგორ გახდეთ მისი მომხმარებელი, მაშინ გაიარეთ მარტივი რეგისტრაცია შემდეგ ბმულზე: https://optimo.ge/request, ან დარეკეთ ნომერზე: 032 2 800 900, სადაც მიიღებთ ამომწურავ პასუხებს თქვენს ნებისმიერ კითხვაზე.

თუ არ გაქვთ  სააღრიცხვო სისტემებში მუშაობის გამოცდილება, სანერვიულო არაფერია, რადგან წინასწარ გამოცდილების ქონა არ არის საჭირო. ოპტიმოში მუშაობას თქვენი პერსონალური მხარდაჭერის მენეჯერი ზედმეტი გადასახადის გარეშე გასწავლით. მას შემდეგ, რაც დააყენებთ ოპტიმოს თქვენს ობიექტზე, გეყოლებათ მხარდაჭერის მენეჯერი, რომელიც ნებისმიერ დროს წარმოშობილი პრობლემის მოგვარებაში დაგეხმარებათ.

რა ეტაპები უნდა გაიაროთ ოპტიმოში მუშაობის დასაწყებად?

უნდა შეარჩიოთ სასურველი პაკეტი, რის შემდეგაც, ოპტიმოს ტექნიკური ჯგუფი დაგიყენებთ პროგრამას, პერსონალური მხარდაჭერის მენეჯერი კი გასწავლით პროგრამის გამოყენებას და დაგეხმარებათ მარტივად შეიყვანოთ მონაცემები.

ბუნებრივია აქვე გაგიჩნდებათ კითხვა პაკეტების შესახებ, ოპტიმო ბიზნესებს სთავაზობს 4 განსხვავებულ პაკეტს, ესაა საბაზისო თვეში სულ რაღაც 40 ლარად, პლუსი – თვეში 70 ლარად, სტანდარტი – 90 ლარად და პრემიუმი მათთვის, ვისაც აქვს 100-მეტი გაყიდვის წერტილი.

ნებისმიერი პაკეტის არჩევამდე პირველი 14 დღე შეგიძლიათ უფასოდ ისარგებლოთ ოპტიმოთი, მოირგოთ, დატესტოთ, გამოცადოთ და შემდეგ დაიწყოთ თანამშრომლობა. ანგარიშსწორება ხდება თვის ბოლოს, ინვოისის საფუძველზე. თუ დროთა განმავლობაში დაგჭირდათ პაკეტის გაზრდა ან შემცირება, პაკეტის გასაახლებლად შეგიძლიათ დარეკოთ ნომერზე: 032 2 800 900; ან მიწეროთ ელ-ფოსტაზე: info@optimo.ge

ოპტიმოს აქვს მოლარის მოქნილი პროგრამა მარტივი ინტერფეისით, რომელიც ეხმარება მოლარეს სწრაფად და მარტივად განახორციელოს გაყიდვები. მისი კიდევ ერთი დიდი უპირატესობა ისაა, რომ პროდუქტების მოძებნა შტრიხკოდების, დასახელების, კატეგორიების ან ფოტოს მეშვეობითაა შესაძლებელი. სჭირდება თუ არა მოლარეს პროგრამაში სამუშაოდ ტრენინგების გავლა? არა. მოლარის სამუშაო სივრცე მარტივია და მასში მუშაობის დასაწყებად სულ რაღაც 10 წუთია საჭირო.

ხშირად ჩნდება კითხვა რა ტიპის მოწყობილობაა საჭირო პროგრამაში სამუშაოდ?

მოლარის სამუშაო პროგრამის დაყენება შესაძლებელია პირად კომპიუტერზე, თუმცა ასევე შეგიძლიათ ისარგებლოთ ოპტიმოს მოწყობილობით. რაც შეეხება მენეჯერის სამუშაო სივრცეს, ეს Cloud სისტემაა, რაც ნიშნავს იმას, რომ წვდომა გექნებათ ნებისმიერი ადგილიდან, სადაც ინტერნეტია.

რამდენ მომხმარებელს შეუძლია სისტემაში ერთდროულად მუშაობა? იმდენს, რამდენის სურვილიც გექნებათ, რადგან ოპტიმოში შეგიძლიათ, შექმნათ ულიმიტო რაოდენობის ქვემომხმარებელი, რომელიც ერთდროულად ნებისმიერ დროს, ნებისმიერი ადგილიდან მიიღებს წვდომას მენეჯერის მხარეს.

რა მონაცემების ნახვა შეუძლია მენეჯერს  სტატისტიკაში?

სტატისტიკაში შეგიძლიათ ნახოთ სრული ინფორმაცია შემოსავლების, ფასნამატის, ტრანზაქციების შესახებ. გააანალიზოთ გაყიდვები საათებისა და დღეების ჭრილში. ასევე, დამატებით ნახავთ ყველაზე გაყიდვად პროდუქტებსა და კატეგორიებს.

ალბათ გაინტერესებთ, შეფერხდება თუ არა პროგრამის მუშაობა, თუ ინტერნეტი გაითიშა, არა. მოლარის სივრცე შეგიძლიათ გამოიყენოთ ინტერნეტის შეფერხების შემთხვევაშიც. წვდომის აღდგენის შემდეგ კი მოხდება მონაცემების სინქრონიზაცია მენეჯერის მხარეს.

როგორც ხედავთ, ოპტიმო ყველანაირად ერგება მცირე და საშუალო ბიზნესის საჭიროებებს, მუდმივად განახლების პროცესშია და ცდილობს, დანერგოს ინოვაციური მიდგომები ბიზნესის გონივრულად მართვისთვის თანამედროვე ტექნოლოგიების დახმარებით.